Cefnogaeth
Cymorth ychwanegol i Rieni, Gwarcheidwaid, Athrawon a Chynghorwyr. Darganfyddwch fwy.
Ehangu cyfranogiad ac allgymorth cymunedol
Yma yn nhîm allgymorth Prifysgol Caerdydd rydyn ni’n credu y dylai y dylai addysg fod i bawb ac mae ein tîm yn canolbwyntio ar y rhai sydd heb gynrychiolaeth ddigonol mewn addysg uwch neu sydd wedi profi anfantais neu aflonyddwch addysgol.
Rydym yn cynnig ystod eang o raglenni a digwyddiadau allgymorth sydd wedi'u cynllunio i chwalu'r rhwystrau i addysg uwch ac i'ch cefnogi trwy eich taith addysgol.
Cymryd Rhan
Mae ein tîm Trio Sci yn gweithio gyda disgyblion ysgolion cynradd ar draws cymoedd De Cymru, a'i nod yw codi diddordeb y disgyblion yn y pynciau Gwyddoniaeth, Technoleg, Peirianneg a Mathemateg (STEM) a chynyddu faint ohonynt sy’n dewis eu hastudio yng Nghymru.
Mae ein tîm First Campus yn cynnal rhaglenni fel rhan o'r Bartneriaeth Ymestyn yn Ehangach ar gyfer de-ddwyrain Cymru. Nod y rhaglen yw cynyddu nifer y bobl sydd mewn addysg uwch.
Dewch i wybod rhagor am fyd y gyfraith neu beirianneg drwy gymryd rhan yn ein rhaglenni Llwybrau. Mae ein rhaglenni dwy flynedd yn cynnig y cyfle ichi ddysgu rhagor am sut beth hwyrach yw dechrau gweithio ym maes y gyfraith neu beirianneg yn ogystal â dysgu rhagor am fod yn fyfyriwr yn y brifysgol.
Mae The Brilliant Club yn gweithio gydag ysgolion a phrifysgolion ledled y DU. Diben yr elusen yw cynyddu nifer y disgyblion o gefndiroedd heb gynrychiolaeth ddigonol sy’n symud ymlaen i astudio mewn prifysgolion hynod o ddetholgar.
Nod rhaglen Camu ‘Mlaen yw helpu disgyblion ysgol uwchradd o ardaloedd difreintiedig i nodi opsiynau sy’n addas iddynt, codi cyrhaeddiad ymhlith y disgyblion hynny a rhoi cymorth iddynt er mwyn iddynt barhau â’u haddysg ar ôl iddynt gyrraedd 16 oed.
Mae Ysgolion Haf Sutton Trust yn rhoi’r cyfle i chi gael gwybod sut beth yw bywyd yn y brifysgol.
Mae ein Prosiect Darganfod wedi’i gynllunio’n benodol ar gyfer plant rhwng 14 a 19 oed sydd ar y sbectrwm awtistiaeth.
Prosiect ar y cyd â Phrifysgol Metropolitan Caerdydd yw’r Sioe Deithiol Addysg Uwch. Mae amrywiaeth o gyflwyniadau a gweithdai ysbrydoledig i fyfyrwyr ym mlynyddoedd 9 i 11, yn bennaf mewn ysgolion ledled Cymru.
